پاکستان اور امریکا کا دہشتگردی کیخلاف تعاون مزید مضبوط بنانے پر اتفاق

اسلام آباد/واشنگٹن ۔۔۔۔واشنگٹن میں پاکستان اور امریکا کے درمیان انسدادِ دہشت گردی مذاکرات کا چوتھا دور ہوا جس میں دونوں ممالک نے دہشت گردی کے خلاف تعاون مزید مضبوط بنانے پر اتفاق کیا۔دفترِ خارجہ کے مطابق پاکستان اور امریکا نے داعش خراسان، القاعدہ، ٹی ٹی پی اور بی ایل اے کے خلاف مشترکہ عزم کا اعادہ کیا۔دونوں ممالک نے سرحدی سیکیورٹی مضبوط بنانے اور دہشت گرد سہولت کار نیٹ ورکس کے خاتمے پر تبادلہ خیال کیا۔پاکستان اور امریکا نے خطے میں امن، خوش حالی کے لیے انسدادِ دہشت گردی تعاون جاری رکھنے کے عزم کا اظہار کیا۔