بلوچستان میں سیکیورٹی فورسز کا بڑا آپریشن، 4 دہشتگرد ہلاک، اسلحہ اور سہولت کار بھی پکڑے گئے

مستونگ ۔۔۔۔۔۔بلوچستان کے ضلع مستونگ کے علاقے کھڈ کوچہ میں سیکیورٹی فورسز نے دہشت گردوں کے خلاف کامیاب کارروائی کرتے ہوئے فتنہ الہندوستان سے تعلق رکھنے والے 4 دہشت گرد ہلاک کر دئیے۔سیکیورٹی کے ذرائع کے مطابق کارروائی کے دوران دہشت گردوں سے بھاری مقدار میں اسلحہ، گولہ بارود اور ان کے زیرِ استعمال موٹرسائیکلیں بھی قبضے میں لے لی گئیں۔ ذرائع کے مطابق آپریشن میں تنظیم کے متعدد دہشت گرد زخمی بھی ہوئے ہیں۔سیکیورٹی کے ذرائع نے بتایا کہ دہشت گردوں کی سہولت کاری میں ملوث متعدد مشتبہ افراد کو بھی گرفتار کر لیا گیا ہے جبکہ علاقے میں سرچ اور کلیئرنس آپریشن جاری ہے تاکہ مزید ممکنہ خطرات کا خاتمہ کیا جا سکے۔